امریکی وزیر خارجہ ریکس ٹلرسن نے اسلام آباد کو متنبہ کیا ہے کہ اگر پاکستان نے حقانی نیٹ ورک اور دوسرے دہشت گردگروپوں کے ساتھ اپنے تعلقات میں تبدیلی لانے کا عمل شروع نہیں کیا تو وہاں کی سیاسی قیادت ملک پر سے اپنا کنٹرول کھودے گی۔ واشنگٹن میں اٹلانٹک کونسل تھنک ٹینک سے خطاب کرتے ہوئے انہوں نے کہا کہ پاکستان نے بہت سے دہشت گرد گروپوں کو اپنی سرزمین پر محفوط پناہ دے رکھی ہے اور ان گروپوں کا سائز اور انکا اثر دن بہ دن بڑھتا ہی جارہا ہے۔ انہوں نے کہا کہ پاکستان کو حقانی نیٹ ورک کیساتھ اپنے تعلقات میں تبدیلی لانے کی ضرورت ہے۔ جناب ٹلرسن نے کہا کہ پاکستان کی سرزمین سے بھی دہشت گردی کو اکھاڑ پھینکنے کیلئے امریکہ اس کے ساتھ کام کرناچاہتا ہے لیکن پاکستان کو پہلے حقانی نیٹ ورک اور دوسرے دہشت گرد گروپوں کے ساتھ اپنے تعلقات میں تبدیلی لانے کے عمل کو شروع کرنا ہوگا۔ انہوں نے کہا کہ امریکہ ہند۔ بحرالکاہل کو آزاد دیکھنا چاہتا ہے یہی وجہ ہے کہ اس نے ہندوستان کیساتھ بات چیت میں اضافہ کردیا ہے۔

(Click here for Android APP of IBTN. You can follow us on facebook and Twitter)

Share This News

About sharing